သီတင်းကျွတ်ပြီဆိုရင်

အော .......ဘာလိုလို နဲ့ သီတင်းကျွတ်ပြန်ပြီပေါ့...


စာရေးသူစိတ်ထဲ သက်ပြင်းတချက်နဲ့အတူ သီတင်းကျွတ်ညရဲ့ ပုံရိပ်တွေအစီအရီ ထင်ဟပ်လာပြန်တယ်။ သက်ပြင်းချဖြစ်တယ်ဆိုတာကတော့ ဒီလိုပါ။အရင်က သီတင်းကျွတ်လောက်တော့ စာရေးသူ မွေးရပ်ကိုပြန်နိုင် ကောင်းမယ်လို့စိတ်ကူးခဲ့မိတယ်လေ။တကယ်လက်တွေ့ကျတော့ မပြန်ဖြစ်ခဲ့ပြန်ဘူး။ ဘာဘဲဖြစ်ဖြစ် ဒီလိုပွဲတော်ချိန်ရောက်ပြီဆိုရင် မြန်မာပြည် မှာရှိနေတုန်းက ဟိုလိုလို ဒီလိုလိုနဲ့ မသိမသာပြီးသွားတတ်ပေမယ့် မွေးရပ်မြေနဲ့ဝေးနေရချိန် မှာတော့မချိအောင် ခံစားကြရပါတယ်။ဒီခံစားချက် ကို စာရေးသူအပါအဝင်မြန်မာပြည်နဲ့ဝေးတဲ့သူတိုင်း ရင်ထဲမှာမလွဲမသွေခံစားရမယ်လို့ယုံကြည်မိပါတယ်။


တကယ်တော့ သီတင်းကျွတ်ချိန်ဆိုတာ ဗုဒ္ဓဘာသာ မြန်မာလူမျိုးများအတွက် မမေ့အပ်တဲ့ ဗုဒ္ဓဝင်နေ့မြတ်ဖြစ်ပါတယ်။ ဗုဒ္ဓမြတ်စွာဘုရား ဟာ မယ်တော် အမိနတ်သား အား မွေးကျေးဇူးဆပ်ရန် တာဝတိသာတက်၊ တရားဒေဿနာ ဟောကြားပြီးလူပြည်သို့ပြန်အဆင်း လူနတ်ဗြဟ္ဒာ တို့က ဆီးမီးပူဇော် ကြိုဆိုခဲ့တယ် လို့ စာရေးသူ ငယ်ငယ်က "သီတင်းကျွတ်ချိန်"စာစီစာကုံး မှာရေးဖွဲ့ခဲ့တာအမှတ်ရမိပါတယ်။
ဒီ post အတွက် စာရေးသူမောင်bee ကို ထုံးစံ အတိုင်း မမေ့မလျော့ tag တာကတော့ ကိုသံလွင် ပါဘဲ။ ဒါကြောင့် သီတင်းကျွတ်အလွမ်းပြေအဖြစ် စာရေးသူတို့ ငယ်ငယ်က ပျော်ခဲ့ရတဲ့ သီတင်းကျွတ်ညတွေဆီ ခဏတာခေါ်ဆောင်ရင်း......




ငယ်ငယ် က သီတင်းကျွတ်


မောင်bee တို့ ငယ်ငယ် ဘုစုခရုတုန်း က မနက်ဖြန် သီတင်းကျွတ်ဆို ဒီနေ့လို နန့်နေပြီ။ အဲ ပျော်တာပြောပါတယ်။ မပျော်ဘဲ နေမလား .သီတင်းကျွတ်ဆို မောင်bee တို့က လက်ဖျားက ငွေ အလိုလိုသီးပြီ။အခုခေတ် အထာနဲ့ ပြောရရင် လန်းပြီပေါ့ဗျာ။လန်းပုံ ကဒီလိုလေ။ အဖေတို့အမေတို့ နဲ့ဆွေမျိုးအိမ်တွေလိုက် ဟိုးရောက်တာနဲ့တွေ့သမျှ အမျိုးတွေ လာလေရော့ ဆိုပြီး "ဂေါက်-ဂွက် "နဲ့ ထိုင် ကန်တော့ဖြစ်တာ ..(ကြာလို့ ...ဟီဟီ )


အမယ် တထောင်ဆိုလည်း ဟုတ်တယ် နှစ်ထောင် ဆိုလည်း ဟုတ်တယ်။ မောင်beeတို့လန်းပုံများ ကြွားပြောတာတော့ မဟုတ်ဘူး နှစ်အိမ်သုံးအိမ် ကူးရင် တော်တော် ခိုင်နေပြီ။ဒါကဆွေမျိုးတွေ။ မဟုတ်ဘဲ နည်းနည်း စိမ်းတဲ့သူတွေဆိုရင် မုန့်ဖိုးပေးရင် စာအိတ်ကလေးနဲ့၊အဲဒီမှာ ရင်ခုံရတာ .
စာအိတ်ထဲက တစ်ထောင်တန် ထွက်လာ လို့က တော့ မောင်beeတို့ ဒွန့်ပြီ။(ပျော်တာပြောပါတယ်)
ပြီးတော့ မုန့်ဖိုးပေး တဲ့အန်တီ ကြီး ကျန်းမာပါစေ ချမ်းသာပါစေ ပေါ့ ဆုတောင်း တောင် ပေးလိုက်သေးတယ်။
အဲယောင် လို့ စာအိတ်ထဲ က တစ်ရာတန် တို့နှစ်ရာတန်တို့ မထွက်လာနဲ့။ ဒီလူကြီးက ကတ်စီးနဲ ကြီး။ အဲဒါကြောင့် မိန်းမ မရတာ စသဖြင့် ကျိန်စဲတော့တာဘဲ။ (ဟီဟီ မေတ္တာ ထားတာပြောပါတယ်) ငရဲကတော့ ကြီးမှာ ၊ ခလေးဆိုတော့ လည်း ဘယ်သိမှာလဲ မကျိန်ဆဲစေချင် များများပေးပေါ့ ...... နော့ ။


ဒီလို ငွေသီးပြီဆို ရင် ဘာလုပ်လဲ။ ရှိတာလေးစု ပြီး အမေနဲ့အဖေ ကို ကန်တော့ ...အဲ ... အဲလို ထင်ရင် မှားမယ် လို့။ ရသမျှပိုက်ဆံ ကို အဲဒီတုန်းက ပေါ်တဲ့ ဗျောက်အိုး၊မီးရှူး၊ မီးပန်း မှန်သမျှ တရုတ်တန်းတို့၊ရန်ကင်း စင်တာရှေ့တို့မှာဝယ် .........ပြီးရင် ဘေးအိမ်တွေအိပ်မရအောင် ဖောက်တာ။
မှတ်မိသေးတယ် အဲတုန်းက ရပ်ကွက်လူကြီးက မောင်bee ရဲ့ ဦးလေး။ပွဲကိုပြီး ရော....ပြောမဲ့လူကိုမရှိတာ.
တဖန် မီးပုံပျံတွေ လွှတ်၊ပြီးရင် အဲဒီ မီးပုံးပျံ တက်တာ ကို နာဆာ က ဂြိုတ်တုတက်သလို ကြည့်ပြီး အချင်းချင်း ပွေ့ဖတ်လိုဖတ် ကျေနပ်နေ ကြတာ။ ဟီ ဟီ. (အဲဒါကြောင့် ကလေး ဘဝဘဲ ကောင်းတယ် ပြောတာ)
မကျေနပ်လို့လဲ မရဘူးဗျ။ မှိုင်းမဝဘဲ လွှတ်မိလို့ ပြန်ကျပြီး အုန်းပင်တွေ မီးစွဲတာ က အလုံး ပေါင်းမရေနိုင်ဘူး။
ထားပါတော့ ဒါက ငယ်ငယ် က သီတင်းကျွတ်...


ကဲကြခုန်ကြ သီတင်းကျွတ်ည


နည်းနည်း ကြီးလာတော့ ငြိမ်သွားသလား။ မထင်နဲ့ အဲဒီမှာ ပိုကိုဆိုး တာ.
မောင်bee တို့ဆယ်တန်း အောင်တော့ အိမ်ကကား ကို အဖေက တက်မောင်းခွင့်ပေး ပါတယ်။ အဲဒီမှာ ပွဲသိမ်း တော့တာဘဲ။ ဒီတခါ လန်းပုံက ကျ တော့ ငယ်ငယ် ကလို ဟုတ်တော့ဘူးလေ။အရင်လို တအိမ်ဝင်တအိမ်တက် သိသိမသိသိ ဖင်ဗူးတောင်းထောင် ကန်တော့ပြီး စပ်စပ်ဖြီးဖြီး နဲ့မုန့်ဖိုးတောင်းတဲ့ technic ကကျန်ခဲ့ပြီလေ။(လုပ်ရဲရင် လုပ်လေ မုန့်ဖိုး တော့ ရမှာ မဟုတ်ဘူး အကန်ခံရမှာတော့ ဒဲ့ ရှူဝါး ဘဲ)ဒီတခါ ကျတော့ ဘိုလည်းကျလို့ရ၊နည်းနည်းလည်း လန်း မယ့် ဆွေမျိုးနှစ်ယောက်လောက် ကိုရှာ၊
ပြီးရင် အဲဒီကို သူငယ်ချင်းတွေနဲ့အပြွတ်လိုက် အိမ်ပေါ်တက်ပြီး money ဖမ်တာများ ..
ဟို ရုပ်ရှင်ထဲက ရွာထဲ ကို သူပုန်း တွေဝင် ပြီး အနုကြမ်းစီးတာ ကြည့်ဖူးတယ် မဟုတ်လား?
အဲဒါကမှ ဒါထက် ညင်သာသေးတယ်။ ( :P တော်တာ ပြောပါတယ်)


ဒီလိုနဲ့လန်းပြီ ဆိုရင် ကားတစီးနဲ့ရေကျော်ပွဲဈေး ကို သွား ပြီး ဘူးသီးကြော်စား talkie ပွါး ဒါမှမဟုတ် ရန်ကင်းစင်တာတို့ ဒဂုံ စင်တာတို့ သွား ကောင်မလေးတွေတွေ့ ရင် ~ ~ ရှိတ် တာ တာ ရှိတ် ~ ~
ဒါမှမဟုတ် လည်း မြရိပ်ညို တို့ Hotel nikko တို့က စတိတ်ရှိုး ပွဲ သွား ကဲကြခုန်ကြ ..
ကောင်းကင်ကို မော့ကြည့်တော့ မီးပုံးပျံတွေအစီအရီ
အား ...ဘာပြောကောင်းမလဲ?


ပျော်စရာ တကယ်ကောင်းတာ ပါဗျာ။ ခုချိန် မှာတော့ ဒီပျော်စရာပွဲတော် ရဲ့ ဝေး တနေရာမှာမောင်bee တို့လန်းဖို့ နေနေသာ မဂွမ်း အောင် မနည်းလုပ်နေရတယ်။ အော... ဘဝ ....ဘဝ ဆိုးတာ ပြောပါတယ်။

မောင်bee လိုဘဲ မွေးရပ်မြေနဲ့ဝေးနေကျသော သူငယ်ချင်းတွေလည်း တချိန်ကသီတင်းကျွတ်ည တွေ ကိုလွမ်းရင်း .............. :( ရွှတ် ...... ရွှတ် (ငိုသံ)


P.S . ကိုသံလွင် ရေ တာဝန်ကျေပြီနော်၊ သီတင်းကျွတ်မှာမကန်တော့နိုင်တဲ့ အဝေး က စာရေးသူမိဘနှစ်ပါးကို ဒီpost နဲ့ ဦးခိုက်ရင်း ......

ကြိုးစားပါဦးမည်။
မောင်bee

အငိုမရပ်တဲ့ည

အဲဒီညကပေါ့......

အယောင်ဆောင်မိုးတိမ်တစုံ၊

ဒြပ်မဲ့မီးတိုင်တတိုင်

ပြီးတော့ သည်းချေပျက် နာရီတလုံး

ငါနဲ့အတူကျဆုံးခဲ့တယ်

ဒါတောင်သက်တံ့ က copyဆွဲကောင်းတုန်း။

မျက်ရည်၊မာန၊ဒဏ်

ယုံကြည်ခြင်းအပိုင်းအစတချို့

ကြက်ဥစီတဲ့ဗန်းပေါ်မှာ

ပက်လက်မှောက်ခုံ

တိုးတိုးတိတ်တိတ်

ဒီလိုနဲ့........

ဗန်ဂိုး ကို Gray scale ပြောင်းရေး လိုက်ကြတယ်။

အဲဒီညကပေါ့......

သူငိုတယ၊်

ငါငိုတယ၊်

အရောင်တွေငိုတယ်

ထားလိုက်ပါတော့ဆိုမှ........

ညက ပါ လိုက်ငိုတယ်။

ကြိုးစားပါဦးမည်။

မောင်bee

12.10.2008

မောင်bee နှင့် မွေးနေ့ပွဲ (၂)

(မောင်bee နှင့် မွေးနေ့ပွဲ ပထမပိုင်းမှ)

သူလည်းသူမအလိုကျ မျက်လုံးမှိတ်ပြီး သူမရဲ့ birthday present ကို ရင်ခုန်စောင့်စား နေလေရဲ့ .......

ည
သူ၊ သူမ
နှင်းဆီဖြူတပွင့်
ဝိုင်နီတခွက်
ရင်ခုန်၊ နူတ်ဆိတ်..........
ပျားရည် နူတ်ခမ်းတစုံ......

.....................
~ ပျားရည် ~~ ပျားရည် ~~ ပျားရည် ~~
........ .............
buz ..buzz .. buz... buzzz
.............. ......
"အာ......အရေးထဲမှဘယ်က ဖုန်းလဲဟ" ရေရွတ်နေစဉ်မှာ ပင် .......

"မောင်bee.... ဟေ့ကောင် မောင်bee..... ဟေ့ကောင် ..ထတော့လေ"

ဟာ ...သွားပြီ။ အိပ်မက် တဲ့ ..ကုန်ပါပြီဗျာ။
သိနေသည့်တိုင် အောင် မျက်လုံး ကိုမှိတ်ထားဆဲ..
honey ...နတ်သမီး.... ဟင်....ဘယ်ရောက်သွားပြီလဲ ဂျ... အဟင့်
ရှိတော့ဘူး ဘာဆိုဘာမှကိုမရှိတော့တာ
နှင်းဆီဖြူလည်း ရှိတော့ဘူး။
ဝိုင် ခွက်မပြောနဲ့ နို့ဆီခွက်တောင်မတွေ့တော့ဘူး။
dinnerလည်းပျောက်ပြီး ဒင်နက် တောင်မကျန်တော့......

"တောက်" ... "ဘာလို့လာနှိုး တာလဲဟ ဒီမှာကောင်းခန်း ရောက်နေတာ ...... သေပါပြီကွာ"

ရုတ်တရက် ထအော် သော ကျနော့်ကို ရွှေချို က ကြောင်ကြောင်စီစီနှင့် ကြည့်ပြီး

"ဟ ...... ညက ပြောတော့ မင်းဘဲ မနက်အတန်း ရှိလို့ နှိုးဆို .....မင်း Alarm ကလည်း အော် နေတာကိုး"
ကျနော့် လဲ စိတ်ပေါက်ပေါက်နဲ့
"နှိုးရင် လည်း အရိပ်အကဲ လေး ဘာလေးကြည့်ဦး ပေါ့ဟ။ မင်းသူငယ်ချင်း မောင်bee မျက်နာလေး ပြုံး နေ တာ မင်း မတွေ့ဘူးလား"
" ပြုံးတာ တော့မတွေ့ဘူး မင်းနှုတ်ခမ်း ကြီးဆူပွက် ဆူပွက် လုပ်နေလို့ ငါက ဝက်ရူးပြန်နေပြီထင်တာ"
အမလေး ဗျာ ကောင်းကြသေးရဲ့ လား ဒီမှာ ကောင်းခန်း ရောက်နေတာကိုး ဝက်ရူးပြန်တယ် တဲ့ ဗျာ။ရက်စက် လိုက်တဲ့ကောင်...
"ဟကောင် ထတော့... ပြီးရင် ကျောင်းgo တော့လေ ၊ ငါလဲ လစ်ပြီ "ပြောပြောဆိုဆို နှင့် ကျေးဇူးရှင် က အခန်းထဲမှ ထွက်သွား၏။
ရွှေချို ထွက်သွားပြီး ကျနော်လည်းချက်ချင်းမထသေးဘဲ အိပ်မက် အကြောင်းပြန် တွေးနေမိသည်။
"မွေးနေ့ ...မွေးနေ့... တကယ့် ငါ့မွေးနေ့လေးသာဖြစ်လိုက်ပါတော့"

ဟုတ်ပါသည်။ အပြင်က မောင်bee မွေးနေ့လေးသာ ဖြစ်လိုက်စေချင်သည်။ လူရယ် လို့ဖြစ်လာရင် မွေးနေ့ဆိုတာ ရှိကြမည်သာဖြစ်သည်။ (ဒါတော့ သူပြောမှလား၊ လူပါဆိုမှမွေးနေ့ ရှိတာပေါ့၊မမွေးဘဲ ဘယ်သူ လူဖြစ်လို့ လဲ)ဒါပေမဲ့ ထိုမွေးနေ့ ကို ရောက်တိုင်း မွေးနေ့ပွဲ ကျင်းပဖြစ်သလားဆို တော့ မကျင်းပဖြစ်ပါဘူး။ ဥပမာ လူတယောက်က သူ့မွေးနေ့ကိုနစ်တိုင်း ကျင်းပ ဖြစ်ရင်တောင် လူတိုင်းအတွက်တော့မဖြစ်ပါဘူး။ဆိုချင်တာကတော့ လူတိုင်းမှာမွေးနေ့ဆိုတာ ရှိပေမယ့် အဲဒီ လူတိုင်း ဟာသူတို့ရဲ့ မွေးနေ့ကိုဖြတ်သန်းပုံချင်း တော့ မတူညီပါဘူး။

ထားပါတော့လေ။မောင်bee အကြောင်းဘဲ ပြောကြတာပေါ့။မောင်beeဆိုတဲ့ ကျနော့် က မွေးနေ့ပွဲ ဆိုရင် ငယ်ငယ်ကတည်း က ဆိုက်ကို ဗျ။ မွေးနေ့ ဆိုရင် တခြားနေ့တွေနဲ့မတူဘဲ တခုခုတော့ ထူးထူးခြားခြား ကို ဖြစ်ချင်တာ ။

မှတ်မိသေးတယ် ။ ငယ်ငယ် က အဖိုးအဖွားတွေကချစ် လို့မွေးနေ့ပွဲ လုပ်ပေးတော့ မောင်bee တို့ ပျော်လိုက်တဲ့ ဖြစ်ခြင်း။ လက်ဆောင် တွေလည်း တပွေ့ကြီး ရ နဲ့ ပြောမနေပါနဲ့တော့ဗျာ။ အဲဒီ နောက်ပိုင်းတော့ မွေးနေ့ရောက်ပြီဆို သိပ်မထူးခြား သလိုပေါ့ဗျာ။ သူငယ်ချင်းတွေ ကို ဒီနေ့ငါ့မွေးနေ့ကွ အိမ်မှာတခုခု လာစားကြ။ လက်ဆောင်လေးလဲ မမေ့နဲ့ ဆိုပြီး ကို့ အစီအစဉ် နဲ့ကိုယ် အိမ်မှာရှိတဲ့မုန့်တွေချ ကျွေးပေါ့။ သူငယ်ချင်းတယောက်ကဆို လက်ဆောင်ပေးတာ lux ဆပ်ပြာတုံး တတုံး... ဟီဟီ ... ကို လည်းအိမ်မှာရှိတာ ကျွေးသလို သူလည်းအိမ်မှာရှိတာယူ လာတာ ထင်ပါ့။မောင်beeလည်းပေးတာယူတာဘဲ၊အလကားရ နည်း မှတ်လို့....ဟီး ဟီး
သို့ပေမယ့်လည်း ဒီမွေးနေ့ကို မောင်bee စိတ်ထဲမပြည့်စုံသလို ခံစားရတယ်။ (အဲဒီမှာ ဆိုက်ကို စတယ်ထင်တာဘဲ)

တခါလည်း အဖေကို ပူဆာလို့ ကြည်အေးမုန့်တိုက် (ဟိုးအရင်က ကမ္ဘာအေးလမ်း ပေါ်မှာအခု sony show room ရှိသောနေရာ၌ ဖွင့်ထားတာပါ) က တန်ရုံသင့်ရုံ ကိတ်လေးတလုံးဝယ်ပေးပြီး အိမ်မှာ သူငယ်ချင်းတွေနဲ့ထုံးစံအတိုင်း မုန့်စားကြရသည်။ ဒါလည်း မထူးခြားသလိုပါဘဲလေ။
တဖြည်းဖြည်း အရွယ်ရောက်လာတော့ ကျောင်းကခင်တဲ့သူငယ်ချင်း တွေကို ဒရိုက်ဘာ နဲ့လိုက်ခေါ်(အဲလိုမှမခေါ် ရင် ကျေးဇူးရှင်တွေကမကြွဘူး)၊ ဆိုင်မှာလိုက်ကျွေး ပြီးရင် အဲဒီတုန်းကဖွင့်ကာစ ကလေးကစားကွင်းတွေ မြကျွန်းသာ၊ တိရစ္ဆာန်ရုံတို့ မှာ လိုက်ကစား နဲ့အချိန်ကုန်တော့တာဘဲ။ ဟိုးအရင်မွေးနေ့တွေ လောက်မခြောက်ကပ်တော့ပေမယ့် ဒါလည်း မောင်beeစိတ်ထဲတော့တမျိုးဘဲ ခံစားမိပြန်တယ်။
ဒီလိုနဲ့တနှစ်ပြီးတနှစ် အသက်တွေကြီးလာရင်း မွေးနေ့တွေကိုလည်း တနစ်ထပ်တနစ် မတူအောင်ဖြတ်သန်း လာလိုက်ပုံများ။ တခါတလေ ဘုရားတက်၊တခါတလေး သူငယ်ချင်းတွေနဲ့ပျော၊်တခါကျတော့ မိသားစုနဲ့ခရီးထွက်၊စုံလို့ဘာဘဲဗျာ။

ဒီလိုနဲ့မောင်bee အသက်နှစ်ဆယ် ပြည့်မွေးနေ့မှာတော့ အတွေးတခုဝင်လာပါတယ်။အဲဒီအတွေးကြောင့်ဘဲ ငယ်ငယ်က မွေးနေ့တွေကို ဘာလို့အလိုမကျဖြစ်ခဲ့ရလဲ ဆိုတာသိလိုက်ရတယ်။အဖြေကရှင်းပါတယ်ဗျာ။ ငယ်ငယ်က မောင်bee ဖြတ်သန်း ခဲ့တဲ့မွေးနေ့တိုင်းဟာ ကို့ကိုယ်တိုင် ဖန်တီးခဲ့တာချည်းဘဲ ဖြစ်နေလို့ပါ။
ဘာနဲ့တူသလဲဆိုတော့ Mr. beanလိုပေါ့။ ကို့အတွက်လက်ဆောင်တခုကို ကိုယ်ကိုယ်တိုင် packingထုတ်ပြီး တအံ့တဩ ပြန်ဖွင့်ကြည့်ရသလိုဗျာ။ ရီစရာကောင်းသလို ၊ဝမ်းနည်းစရာလို့လဲပြောလို့ရပါတယ်။
အဲဒီနောက် ပိုင်းတော့ ကျနော် မွေးနေ့ပွဲ သိပ်မလုပ်ဖြစ်တော့ပါဘူး။ ဒါပေမယ့် သူများမွေးနေ့တွေဆို မပျက်မကွက် တက်ပါတယ်။(ဟီ ဟီ ကောင်းလိုက်တဲ့ မောင်bee နော်)ပြီးတော့ မောင်bee ဥာဏ်မကောင်းပါ၊သို့သော် သူငယ်ချင်း မွေးနေ့တွေကိုမှတ်မိအောင် ကြိုးစားလာတယ်။သူများထက်ဦးအောင် Birthday wish လုပ်ဖြစ်ပါတယ်။ လက်ဆောင်ပေးတာမျိုးထက် မွေးနေ့ရှင် ကို သူ့မွေးနေ့ မှာ အရင့်အရင် မွေးနေ့တွေထက် သာလွန်တဲ့ ထူးခြားမှု မျိုး၊ပျော်ရွှင်မှု မျိုး ဖန်တီး ပေးချင်စိတ်ဖြစ်လာပါတယ်။ သူငယ်ချင်းတွေ တိုင်ပင်ပြီး မွေးနေ့ရှင် မျော်လင့်မထားတဲ့ အခြေအနေမျိုး ဖန်တီး ပေးကြဖူးသည်။ ထိုအပျော်က ရ တဲ့ပီတိလေး ကို တန်ဖိုးကြီး ကိတ်တွေထက် မောင်beeနစ်ခြိုက်နေတတ်ပြီဖြစ်သည်။
အမှန်တော့ မောင်bee ငယ်စဉ်ကရခဲ့ဖူးသည့် ဆိုက်ကို မျိုးမည်သူကိုမျှ မရစေချင်ပါ။ တကယ်တော့ မွေးနေ့ပွဲဆိုတာ လူတိုင်းပိုင်ဆိုင်နိုင်တဲ့ ထူးခြားတဲ့ ပွဲတခုပါ။ နာမည်ကြီး မင်းသမီး လည်းမင်းသမီး အလျှောက်၊အရာကြီး လည်း အရာကြီး အလျှောက် ကျင်းပနိုင်ပါတယ်။ သို့သော် တခါတလေ Mr.beanလိုဖြစ်နေတတ်သည်။
ခုတော့လည်း မောင်bee တယောက် မွေးနေ့ရောက်ရင် တယောက်ထဲလည်းနေတတ်နေပြီဖြစ်သည်။
အသက်နဲ့ရင်းပြီး မွေးခဲ့တဲ့ အမေ ကို ဦးချကန်တော့ရမှန်း သိနေပြီဖြစ်သည်။
တခါတလေလည်း အိပ်မက်ထဲ ကလို မိုးပေါ်ကကျလာတဲ့ ပျားရည်နတ်သမီးလေး နဲ့ အတူ စိတ်ကူးလေး နဲ့ ကျင်းပနေတဲ့ပြီဖြစ်သည်။

~~Happy birthday to you~~
~~Happy birthyday to you~~
~~happy birthday dear all my friends , ~~
~~Happy birthyday.............. to............... youuuuuuu...

မွေးနေ့မှာသူငယ်ချင်းတိုင်း စစ်မှန်တဲ့ပျော်ရွှင်မှုမျိုးပိုင်ဆိုင်နိုင်ပါစေ လို့ဆုတောင်းရင်း..

ကြိုးစားပါဦးမည်။
မောင်bee

စာရေးသူ -- ဒီpost ကတော့ ဒီလထဲမှာမွေးတဲ့ သံလွင်, ထိန်ထိန် , kee kee နဲ့ မောင်bee ရဲ့ချစ်လှစွာသော မွေးနေ့ရှင် သူငယ်ချင်းများ အတွက်ပါ။ (နောက်တယောက်ကတော့ မပြောပြဘူး၊အသေသတ်လိုက်)

"မောင်bee ရဲ့ ပထမဆုံးများ"

အခု တလော မောင်bee တကောင် သူငယ်ချင်းတယောက် အလည်ရောက်နေလို့ အပြင်တွေသွား နေရတာက တကြောင်း၊ စာရေးမယ် ကြံလိုက် ရင် မိုးလေးအေး လာတာနဲ့ ကွေးချင်နေတာ က တကြောင်း (အမှန်က တော့ အပျင်းကြီး နေတာပါ ...ဟီးဟီး) new post မတင်နိုင် ဖြစ်နေရင်းက blog စရေးဖြစ်အောင်ကူညီ ခဲ့တဲ့(အမှန်က မြှောက်ပေး တာ....) သံလွင်hero က ထပ်ပြီးအချွန်နဲ့မ အဲ ဟုတ်ဘူး တလေးတစား tag လာတာကြောင့် တိုးလို့တန်းလန်း post လေးတောင်မရေးနိုင်ဘူး။ ဒီ tagလေးအရင်လက်စသတ် ဖို့ဖြစ်လာပါတယ်။ မောင်bee တို့လုပ်လိုက်ရင် တန်းလန်း ကြီးဘဲလို့ မထင်ပါနဲ့(post ရေးတာကိုပြောတာ နော် :P ) ဒါလေးပြီးရင်ဆက် ရေးဖြစ်အောင်ရေး ဦးမှာပါ။

ဘာတဲ့ tag က "ပထမဆုံး များ" ကဲစပြီ။ မကောင်းသူထိပ်ကောင်းသူထိပ် ၊လွန်တာရှိဝန္ဒာမိ ပါ ဗျာ။

"မောင်bee ရဲ့ ပထမဆုံးများ"

ပထမဆုံးခင်တွယ်သူ - အမေ

ပထမဆုံးအားကျလေးစားရသူ - အဖေ

ပထမဆုံး ကြိုက်တဲ့သူရဲကောင်း - handy-san-tar-nar ဆိုလားဘဲ၊ ဂျပန် နင်ဂျာ မင်းသားပါ၊

(မောင်bee ငယ်ငယ် က အဖေပုဆိုးကို ခေါင်းမှာ စွတ်ပြီး နင်ဂျာ လုပ်တာ)

ပထမဆုံးတက် သည့်ကျောင်း -ဒေါ်ပန်စီ မူကြို
(အဖေ့ ဘော်ဘော် ရဲ့ အမေ မူကြိုပါ)

ပထမဆုံးရေးတဲ့စာ-ဝလုံး

ပထမဆုံး​‌​ရေးတဲ့ကဗျာ-ဖန်ခွက်
( ဆယ်တန်းတုန်း က ဘော်ဘော်တွေ စုပြီး ကဗျာ စာအုပ် ထုတ်တော့ မင်းလဲတပုဒ် ရေး ဆို လို့ ဝင်ကစ်တာ ၊တကယ်တော့ ဘာမှန်းကိုမသိတာ)

ပထမဆုံး ဂစ်တာတီးတတ်တဲ့ သီချင်း-ဗဒင် ရဲ့ သိပ်ချစ်တယ်ဒီက
(မြင်တယ် စိတ်ကူးထဲလဲ မြင်တယ်~ ~ အိမ်မက်ထဲလဲ မြင်တယ်~~ အဲဒီက နေကိုး မတက်တာ.. :P)

ပထမဆုံးခင်တဲ့သူငယ်ချင်း(ကျား)-ဖြူလုံး
(သူ့ထမင်းဘူး ထဲမှာပါတဲ့ ဘဲဥ ချဉ်ရည်ဟင်း ကို စားချင်တာနဲ့ ကပ်ပေါင်းလိုက်တာ)

ပထမဆုံးခင်တဲ့သူငယ်ချင်း(မ)-သက်ထက်ကျော်
(ဒါတောင် သူကစပြီး လာမိတ်ဆက်တာ)


ပထမဆုံးသောက်သည့်အရက်-mandalay beer
(အဖေ ပုလင်းကို လူလစ်တုန်း ကောက်မော့တာ ၊ ဟဲဟဲ ဘယ်ရမလဲ)

ပထမဆုံးသောက်သည့်ဆေးလိပ်-lucky strike
(အဲတုန်း က TVကြော်ငြာ မှာပါတဲ့ ဆိုက်ကယ် နဲ့ဘဲ ရဲ့ စတိုင် ကို ကြိုက်လို့အိမ်ခေါင်းမိုးပေါ် တက်ပြီး ခိုး သောက်တာ.....ဟီး ဟီး)

ပထမဆုံးရည်းစားရတဲ့နေ့-24 june 2000 (အဲဒါ တကယ့် true ပါ)
(အပျော်လွန်ပြီး လမ်းထိပ်ကိုပြေးတာ ကံကောင်းလို့ ကားမတိုက် တယ်။)

ရည်းစားနဲ့ပထမဆုံးချိန်းတွေ့သည့်နေရာ-Fantasy world
(သူလဲလုပ်ချင်တာလုပ်၊ ကျွန်တော်လဲ ရှက်ရှက်နဲ့ game တွေတခုပြီးတခုလိုက်ဆော့တာ)


ပထမဆုံးအောင်မြင်မှု-​‌​နှစ်တန်းတုန်းက အဆင့်တစ် ရတာပါ
( ဒါတောင် ကျွန်တော်ရှေ့ ကကောင် စာမေးပွဲမှာ အင်းအင်း ပန်းတယ်ဆိုလား ဘဲ)​‌​


ပထမဆုံးကျရှုံးမှု-ငယ်ငယ်က လွတ်လပ်ရေးနေ့ အားလူး ကောက်ပွဲ မှာ ရှုံးတာပါ
(ပြန်စဉ်းစားတိုင်း တင်းတယ် ဗျာ။ အမှန်က ဘေးက fatty က ကျွန်တော်ကောက်မယ့် လိုင်းကိုလာ ကောက်တာ။ဒီကကောင် ဘာလုပ်ရမှန်းကိုး မသိဘူး။)

ပထမဆုံးဝါသနာ-ပန်းချီဆွဲတာ

ပထမဆုံးသွားသည့် ခရီး (local)- ငပလီ

ပထမဆုံးသွားသည့် ခရီး (foreign)- Thailand


ပထမဆုံးအရှက်ကွဲမှု- ဘဲဥပုံ စတီးချိုင့် လေ သိတယ်မဟုတ်လား။
(တခါတုန်း က စာသင်ကျောင်း မှာ post တွင်ရှူ)

ဒီလောက်နဲ့ဘဲ ကျေနပ် ကြပါ။ ဆက်ရေးရင် မောင်bee လဲ ငယ်ကျိုးငယ်နာ ပေါ်ပြီး ရစရာရှိ တော့မှာမဟုတ်ဘူး။

ကြိုးစားပါဦးမည်။
မောင်bee

မောင်bee နှင့် မွေးနေ့ပွဲ

နေရာကား Hotel ဟု ထင်ရသော ခမ်းနားထည်ဝါ သည်. အဆောက် အဦး တခု၏ လသာဆောင် တွင်ဖြစ်သည်။ ကောင်းကင် က ည၏ ကျက်သရေ ကိုကြယ်မှုံတို့နဲ့ ထွန်းညိုပြီး သူမဟုတ်သလို နေနေသည်။ လသာဆောင်၏ ဗဟို ဟုထင်ရလောက် သောနေရာ တွင် Dinner table တလုံး ကို နှင်းဆီဖြူ တပွင့်၊ဝိုင် တလုံး တို့ ဖြင့် တော်ဝင်ဆန်ဆန် ခင်းကျင်း ထားသည်။ table ပေါ်ရှိ ဖယောင်းတိုင်အလင်းရောင် မှာ ဘေးနားရှိ ရေကူးကန်၏ မျက်နာပြင် တွင် အရိပ်ထင်ဟပ် နေကာ ဘယ်ကမှန်း မသိ သဲ့သဲ့ ကြားနေရသော Richard clayderman ရဲ့ instrumental တေးတပိုဒ် က တိတ်ဆိတ်သောညကို ပြူးစားထားသယောင် လွင့်ပြန့် နေသည်။ ရေကန်၏အစပ် တွင် smart ကျကျ ဝတ်စားထားသော လူရွယ်တဦး ၊အသင့်ယူလာသော leather စီးကရက် holder ထဲမှ 555 တလိပ် ကို ထုတ်ကာ မီးညိုလိုက်သည်။

"ထောက် !" ..........

အနည်းငယ်ဂနာမငြိမ် ဖြစ်နေသောစိတ် ကို ပြေလိုပြေညား စီးကရက်ကို ခပ်ပြင်းပြင်း တချက် ရှိုက်ပြီး သက်ပြင်းနှင့်အတူ ပြန်မှုတ်ထုတ် လိုက်ကာ ဦးတည်ချက်မရှိအဝေး ကို ငေးရင်း ညကိုစီးမျှော်နေလိုက်တယ်။


buz ..buzz .. buz... buzzz


ဘောင်းဘီ အိတ်ကတ် ထဲရှိ mobile ဖုန်း မှမြည်လာသော message ဝင်လာသောအသံကြောင့် ထုတ်မကြည့်သည့် တိုင်အောင် သူမ ရောက်နေ ပြီကို သူသိလိုက်သည်။
သူမ ဆို တာ သူ တခါ မှ မတွေ့ ဖူး သည့်တိုင် အောင်,
သူ နစ်ခြိုက်သည် များကိုအလိုလို သိနှင့်နေသော၊
သူ အိပ်ခါနီး အချိန်တိုင်း "good night" ဟု messageပို့တတ်သော
သူရဲ့ နတ်သမီးတပါး။ ဤနေရာ ကို တဦးတည်း လာဖို့ဖိတ်ခေါ် ထား တဲ့ သူမ.....


လှသည်။ တော်တော် ကိုလှပါသည်။ လေနုအေး တချို့က သူမရဲ့ ဆံနွယ် များကိုဝင် တိုက်ရင်း တလှမ်းချင်းလှမ်း ဝင်လာသော သူမ၏ အလှ ကို ညနဲ့အတူအပြိုင် သီကုံးလိုက်သည်။


သူ ရုတ်တရက် ဆွံအ နေမိ် ၏။ သူ အသိဝင်လာတော့ ရေကန် ပက်လမ်း တလျှောက် ပုံမှန်ခြေလှမ်းဖြင့် table ရှိရာသို့ဦးတည် လျှောက်လာလိုက်သည်။ သူမ က ယူလာသော ငွေရောင်စာအိတ်လေးကို စားပွဲပေါ် တင်ရင်း ထိုင်ပါဟု သက်ရောက် သည့် အ ပြုံးတချက် ပြုံးကာ သူနဲ့အတူ ဝင်ထိုင်လိုက်၏။ ပြီးနောက် သူမ က စားပွဲပေါ်ရှိ နှင်းဆီဖြူ ကိုတချက်ကြည့်ပြီး သူကို တဖန် ဝေ့ကြည့်ပြန်သည်။ တဆက်တည်းမှာပင် သူမ ယူလာသော ငွေရောင်စာအိတ်လေး ကို သူထံ ကမ်းပေးလိုက်သည်။


" Honey " တဲ့ လား

စာအိတ် တွင် ရေးထားသော " From Honey "ဆိုသည့် စာတန်း လေးက သူမ၏ နာမည်ကိုဖော် ညွန်းနေသည်။ ပြီးနောက် သူမ က ကစားပွဲပေါ်ရှိ Scottish red ဝိုင်ကို အသင့်ခင်းကျင်းထားသော ဝိုင်ခွက် ၂ခွက် ထဲသို့ဖြည်းဖြည်းချင်း ငဲ့ထည့်လိုက်သည်။


"Honey ရယ် မင်းရဲ့ ပြူမူလှုပ်ရှားမှု တိုင်းနဲ့ တင် ငါ့တဘဝလုံး ယစ်မူးနေပါပြီ "သူ စိတ်ထဲ မှရေရွတ် လိုက်မိသည်။


စာအိတ် ကိုဖွင့်ရန် တပ်ဆင်ထားသော ပိုးကြိုးမျင်ကလေး ဆွဲရင်း တွေ့ ရတဲ့မြင်ကွင်း ကြောင့် သူ အတန်ကြာ မှင်သက် နေ မိတယ်။ စာအိတ် အတွင်းမှာတော့ post card လေးတကတ်။ ထို card လေး မှ စာတန်းလေး ကို အ ကြိမ်ကြိမ် ဖတ်ရင်း ၁၂နာရီ တိတိကို ဖော်ပြနေသော သူ၏ လက်ပတ်နာရီ ကို တလှည့်ပြန် ငုပ်ကြည့်မိတယ်။


" Happy Birthday .... Bee ..... "






ဟုတ်ပါရဲ့ ဒီနေ့ သူ့‌​မွေးနေ့ ရောက်ပြီ ဘဲ။
သူ မျက်နာမှာ တော့ အံ့ဩခြင်း၊ဝမ်းသာခြင်း၊ကြည်နူး ခြင်း၊မယုံနိုင်ခြင်း တို့တလှည့်ဆီ အချိုးကျကျ​‌​ ပုံဖော်နေသည်။


လျှပ်တပြက် အတွင်းမှာတင် ဖယောင်းတိုင် ရောင်စုံ ထွန်းညှိထားသည့်  ချောကလက်ရောင် birthday ကိတ် တလုံးပေါ်လာကာ ပတ်ဝန်းကျင် မှ ထွန်းလင်းထားသော မီးရောင်စုံ များလည်း တဖြည်းဖြည်း မှေးမှိန်သွား သည်။ အစောက သဲ့သဲ့ကြားနေရ သော instrumental တီးလုံး မှာ လည်း birthday song အဖြစ် သူ့အလိုလိုပြောင်းလည် တီးခပ်သွား ပြီး သာယာနာပျော်ဖွယ် စန္ဒားတီးလုံးလေးတွေနဲ့အတူ သူမရော သူပါ အတူတူ တိုးတိုးလေး လိုက်ညီး ဖြစ် ကြသည်။
~ ~ ~ Happy birthday to you ~ ~
~ ~ Happy birthday to you ~ ~
‌​ဒီလိုနဲ့ ဖယောင်းတိုင်မီးမှုတ် အပြီး မှာတော့ ရုတ်တရတ် မီးရှူးမီးပန်း တချို့ ပျံတက်ပေါက်ကွဲ ကာ ကောင်းကင်၌

"Happy Birthday .... Bee ..... " ဆိုသည့် စာတန်း ရှူမငြီးဖွယ်ပေါ်လာ ပြန်သည်။ သူ ကောင်းကင်ကို သူမနှင့်အတူ ငေးရင်း တခါ မှင်သက်နေမိပြန်သည်။ သူမ ကို ကြည့် တော့ ပီတိပြုံးလေး ပြုံးပြီး လျှာလေး တစ်လစ် လုပ်ကာ သူကိုကြည့် နေ၏ ။

"cheers " "ခွင်" ( ခွက်ချင်းတိုက် သံ )
ငဲ့ထားသော ဝိုင် ခွက်လေးကိုမြောက်ကာ ပြိုင်တူ မော့လိုက်ရင်း
တဖန်သူမ က "မွေးနေ့ရှင်ကို present ပေးရဦးမယ်" .......

သူလည်းသူမအလိုကျ မျက်လုံးမှိတ်ပြီး သူမရဲ့ birthday present ကို ရင်ခုန်စောင့်စား နေလေရဲ့ .......


ည
သူ၊ သူမ
နှင်းဆီဖြူတပွင့်
ဝိုင်နီတခွက်
ရင်ခုန်၊ နူတ်ဆိတ်..........
ပျားရည် နူတ်ခမ်းတစုံ......


ကြိုးစားပါဦးမည်။
မောင်bee

( မောင်bee နှင့် မွေးနေ့ပွဲ ဒုတိယပိုင်း သို့.........)