တို့ကျောင်း
~~ ပန်းကလေးများ ပွင့်တော့မည် ဖူးတံဝင့်လို့ချီ ~~
~~ နေခြည်မှာ ရွှေရည်လောင်း ငါတို့စာသင်ကျောင်း ~~
အထက်ပါ ကဗျာ လေးကို စာဖတ်သူ ဦးဦး ကိုကို ညီညီ မောင်မောင် မမ တို့မှတ်မိကြဦးမှာပါ။ မှတ်မိဆို ကဗျာ ဆို တာ ဘာမှန်းမသိခင်အရွယ် ထဲက မပီကလာပီကလာနဲ့ ရေရွတ်ခဲ့ကြ ရတဲ့ တို့ကျောင်းကဗျာ လေး မို့ပါ။( အ ခုထိ လည်း သေချာမသိသေး ပါ :P )
ဟိုတနေ့ က ပျင်းပျင်း ရှိတာနဲ့ ဒါရိုက်တာ မီးပွါး ရဲ့" မင်္ဂလာပါ" ဆိုတဲ့ ရုပ်ရှင်ကားကို download လုပ်ပြီးကြည့် ဖြစ်တယ်။ အဲဒီကား မှာ စာသင်စအရွယ် ကလေးငယ် တွေ က ဒီ တို့ကျောင်း ကဗျာ လေး ကို မပီကလာပီကလာ ရွတ်သံ ကြားရ တော့ စာရေးသူ တယောက် ကြက်သီးမွှေးညင်း တောင်ထမိတယ်။ စာရေးသူ ရဲ့အတွေးထဲမှာ ငယ်စဉ် က ပညာနို့ရည် စို့ ခဲ့ရတဲ့ ကျောင်းတော်ကြီးရဲ့ ပုံရိပ်တွေ အစီအရီ ထင်ဟပ် လာတော့တယ်။ ကိုယ်တိုင်လည်း ဟိုးအရင် ကတည်းက သွားရင်းလာရင်း အဖြူအစိမ်း ကျောင်းဝတ်စုံ လေး တွေနဲ့ကလေးတွေ ကို တွေ့ရင် မကြာခဏ ဆိုသလို ငယ်ငယ်တုန်းက ကျောင်းသားဘဝကိုအောက်မေ့ မိတယ်။ ဒါနဲ့ဘဲ ဒီ post လေး ကို ရေးဖြစ်တယ် လို့ဆိုရမှာဘဲဗျာ။
ကမာရွတ် မြို့နယ်ပြည်လမ်း ပေါ်မှာရှိတဲ့ ပညာရေးတက္ကသိုလ် လေ့ကျင့်ရေးကျောင်း ဆိုတာစာရေးသူတို့ ငယ်ငယ်ကတက် ခဲ့တဲ့ကျောင်းပေါ့။ ငယ်ငယ် ကဆိုပေမဲ့ သူငယ်တန်း ကနေ ဆယ်တန်း ထိ အချိန်အကြာဆုံးတက် ခဲ့ရတဲ့ ကျောင်းမို့ ဘဝမှာ သံယောဇဉ်အရှိဆုံး ကျောင်းလို့ လဲ ပြောလို့ရပါတယ်။ ကျောင်းက ဆရာ၊ဆရာမ ကို မိဘ ထက် ပိုကြောက်ရသလို၊ သူငယ်ချင်းတွေဆိုလည်း ညီအကိုမောင်နမတွေ ထက်ပိုချစ် ပိုခင်ကြတယ် ။ စာရေးသူဆို ကျောင်းကဆရာ တွေနဲ့ မတွေ့  ဖြစ်တော့ပေမယ့် ကျောင်းမှာလောင်ဖော်လောင်ဖက် သူငယ်ချင်းတွေ နဲ့ အခုချိန်တိုင် အဆက်အသွယ်မပြတ် keep in touchတုန်းပေါ့။
စာရေးသူ တို့ကျောင်း ကို T.T.C လို့ဘဲ လူသိများတယ်။ T.T.C ဆိုလို့ ပြောပြ ရဦးမယ်။ ငယ်ငယ် က My school - ဆိုပြီး essay ရေးရတော့ ကျောင်းနာမည် ရှည် လို့ သိပ်စိတ်ညစ် တာ။ ဘာ တဲ့ မှတ်မိသေးတယ် "Practising school , Institute of Education" ဆိုဘဲ။မှတ်မိမှာပေါ့ အဲဒီ တုန်း က ဆရာမကို ကြောက်ကြောက် နဲ့ အသေကျက် ရတာ။ နာမည်က ရှည်ပြီး စာလုံးပေါင်းတွေ မှတ်ရခက်လွန်း လို့ သူငယ်ချင်း တသိုက် " တောက် ! ကျောင်းနာမည် ကလည် ရှည်လိုက်တယ်ဖြစ် ချင်း" လို့ ဩဘာဝိုင်းပေး ကြတာ မှတ်မိသေးတယ် ။ တယောက်က ဆို "T.T.C လို့ ဘဲရေးလို့မရဘူးလား" သွားမေးမိလို့ ဆရာမ က အထွန့်မတက် နဲ့ဆိုပြီ: အ ရိုက်ခံ လိုက်ရတယ်။ :P
T.T.C ရဲ့အရှည် ကတော့ Teacher Training Collgue လို့သိရတယ်။ ဒါတောင် စာရေးသူ ကိုယ်တိုင်မသိလို့ သူငယ်ချင်း ကိုမေးရတယ် (ဖြစ်ပုံများ) :P
စာရေးသူပထမဆုံး သတိရတာတော့ ကျောင်းဘောလုံး ကွင်းပါ။ ဒီ ကွင်းကတော့ စာရေးသူတို့ အလယ်တန်း ကနေ အထက်တန်း ကျောင်းသားဘဝအထိ ထမင်းမေ့ ဟင်းမေ့ ဆော့ခဲ့တဲ့နေရာပါ။ ( ကုန်ကုန်ပြော ရင် အကုန်ကိုမေ့တာ ) မဆော့ရမှာဆိုလို့ ကျောင်းကိုအစောကြီးသွား ။ ကျောင်းရောက်တာ နဲ့ စာသင်ခန်း ကို မရောက်ဘူး။ဘောလုံးကွင်း ကို အရင် ပြေး၊ လွယ်အိတ်ချ၊ခြင်းတောင်းလွှတ် ဖိနပ်ချွတ် နောက်ဆုံးလုံချည် ဘာအပုံလိုက်လေ ချွတ်ပြီး ဘောကန် ကျ တာ၊ ဘာပြောကောင်းမလဲ။ အဲမယ် တခါတလေ မခန့်တာများ ဟွန်နကချွတ် တဲ့ လုံချည်တွေခြင်းတောင်းတွေနဲ့ ဂိုးတိုင်တောင်လုပ်လိုက်သေးတယ်။
ကျောင်းခေါင်းလောင်း တီးလို့ကျောင်းတက်ပြီဆိုမှ ခြင်းတောင်းတွေလွယ်အိတ်တွေ ဆွဲပြီးစာသင်ခန်းကိုပြေးကျတာ။ မပြေးလို့ကလဲ ဖြစ်ဘူး။ နောက်ကျရင် ဆရာမက ဗျင်းမှာကို။ အပြေးအလွှား ဆွဲပြီးဝတ်လာတော့ လုံချည်တွေ လဲဇောက်ထိုးဖြစ်လိုဖြစ် ဖိနပ်ဆိုလဲ တောင်တဖက် မြောက်တဖက်၊ ဒီကြားထဲ သူဟာနဲ့ကိုဟာ မှားလိုမှား၊ တလွဲတွေ ကြီး ဘဲ။
နောက်ပိုင်း တော့ အဲလို ဖြစ်မှာကြောက်ပြီး ဖိနပ် ကိုလက်မှာစွတ်တဲ့ သူကစွတ်။ ပုဆိုးကို ကွင်းသိုင်းတဲ့ လူ ကသိုင်းပြီး မြင်မကောင်းရှူမကောင်းတွေ ဖြစ်ကုန်ရော။ ပုဆိုးကိုကွင်းသိုင်း လုံချည်ကိုအပုံလိုက် ချွတ်တယ် ဆိုလို့တမျိုးတော့မထင်နဲ့။ အဲဒီတုန်း က ခေတ်စား တဲ့ အားကစားဘောင်းဘီတို မျိုးတင့်ဆွေတို့( ~ ကြိုက်ကြိုက် အားလုံး ကြိုက် မျိုးတင့်ဆွေကိုအားလုံး ကြိုက် ~~)၊လှဆန်းယဉ် တို့ တပါးတည်း ခံဝတ်လာပြီ:သား။စာအုပ်သာ မပါတာဒါ မျိုးဆို ဝိရိယ ကောင်းကြတယ်။
တခြားသတိရ စရာ နေရာတွေ ကျောင်းမှာ အ များကြီးရှိ ပါသေးတယ်။ ဆရာမကြီးရုံးခန်း ၊ ဘုရားရှစ်ခိုးဆောင် ၊ ရုံးခန်း ရှေ့ အလံတိုင် နဲ့ခရေပင်( ပင်မ ) ၊ ကျောင်းစာကြည့် တိုက်၊ မုန့်ဈေးတန်း ( ပင်မ ) တို့ဟာ T.T.C
ကျောင်းသားတွေ အတွက် ဘယ်လိုမှမေ့မရနိုင်တဲ့နေရာတွေပါဘဲ ။
စာရေးသူဆို ယခုတိုင် ကျောင်းမုန့်ဈေးတန်းက ရခိုင်မုန့်တီ ကိုသတိ ရနေတုန်းဘဲ။ နောက်ပြီး B.E.D ကမ်တင်း ၊သထုံ လမ်း ၊ ပြည်လမ်း တို့ဟာလဲ ကျောင်းနဲ့ခွဲခြားလို့မရအောင်သတိရစရာပါ။
ကျောင်းတုန်း က အကြောင်းတွေး မိတော့ မှတ်မှတ်ရရ မှတ်မိ တာပြောရမယ် ဆိုရင် အင်း. စာရေးသူ လေးတန်း တုန်း ကပေါ့။ အဲတုန်းက စာရေးသူ တို့ အတန်းပိုင်ဆရာမ က ဒေါ်ခင်ဝင်းကြည် ပါ။ တခါ စာရေးသူတို့အခန်း က ဘုရားရှစ်ခိုးသွားရပါတယ်။ ကျောင်းမှာတော့ အတန်းလိုက် ဘုရားရှစ်ခိုးဆောင် ကို တစ်လတစ်ခါ လောက် အနည်းလေး သွားရပါတယ်။ အဲဒီမှာ အတန်းတွေစုပြီး ဘုရားရှစ်ခိုး ၊ကျောင်းအုပ်ဆရာမကြီးရဲ့ ဩဝါဒ ခံယူကြရပါတယ်။မှတ်မှတ် ရရ အဲတုန်း က ကျောင်းအုပ်ဆရာမကြီး က ဒေါ်ခင်နွယ်တင့်ပါ။
ဘုရား ရှစ်ခိုးဆောင် က ပြန်လာတော့ ပြဿနာ စ တက်ပါလေ ရော။ စာရေးသူ ထမင်းချိုင့် ပျောက်နေတာပါ။ မှတ်မိသေးတယ် အဲဒီတုန်း က စာရေးသူ ပူဆာလွန်းလို့ အမေဝယ်ပေးတဲ့ ဘဲဥပုံ zebra စတီးချိုင့် လေးပါ။ပထမ တော့ သူငယ်ချင်းတွေ နောက်တယ် ပေါ့။ ။နောက် လုံးဝမတွေ့  တော့ မှ အတန်းပိုင် teacher ကိုသွားပြောပါတယ်။ ဘယ်မှာပျောက်တာလဲ၊ အိမ်ကရောပါလာလား စသဖြင့်teacher က စာရေးသူကိုမေးပါတယ်။ စာရေးသူလည်း ဘုရားရှစ်ခိုးဆောင်မသွားခင် က ရှိပါသေးတယ်ပေါ့။ မယုံရင် ဘေးက သူငယ်ချင်းတွေကို မေးကြည့်ပါဆိုပြီး စစ်ကူတောင်းပါတယ်။
ဘေးက သူငယ်ချင်း ရယ်၊အတန်းခေါင်းဆောင် ရယ် ( သူလည်း စာရေးသူ သူငယ်ချင်းဘဲ) က ငိုမဲ့မဲ့ ဖြစ်နေတဲ့စာရေးသူကိုကြည့်ပြီးဟုတ်တယ်ပေါ့။ ဟွန်နကတင် ဒီနားမှာ တွေ့မိတယ် ဆိုပြီး ဝိုင်းထောက်ခံပေးပါတယ်။စာရေးသူလည်း ပထမဆုံးကိုင်ရတဲ့စတီးချိုင့် လေးမို့နုမျော တာကတကြောင်း၊အမေ ရိုက်မှာကြောက်တာကတကြောင်း ဗိုက်ဆာတာကတကြောင်း တော်တော်စိတ်ဆင်းရဲနေပါတယ်။ဒီမှာတင် တီချယ် ခင်ဝင်းကြည် လည်း ဒါဆိုပျောက်တာ သေချာပြီဆိုပြီး ရုံးခန်း ကို report လုပ်ဖို့လုပ်ပါတယ်။ပြီးမှ တီချယ်က စာရေးသူကိုနှစ့်သိပ် ရင်း မုန့်ဈေးတန်း မှာ ခေါက်ဆွဲသုပ် လိုက်ကြွေးပါတယ်။
ခေါက်ဆွဲသုပ်စားပြီးလို့ တီချယ် က မှင်နီဝယ်မယ်ဆိုပြီး မုန့်ဈေးတန်း က stationary ဆိုင်ကို အသွားမှာတော့ .... ဟိုက် .... go ပြီ။ မောင်bee တော့ အကြီးကြီးကို go ပြီ ... ထမင်းချိုင့်
မောင်bee ချိုင့် မှ မောင်bee ချိုင့် အစစ်။ "ဘဲဥပုံ zebra " မနက်က drawing book ဝယ်ရင်းနဲ့ ကျန် ခဲ့တာ ဖြစ်မယ်။ငါ့နယ့် သေလိုက်ပါတော့...
ဆရာမ ဆိုတာ ဒေါသဖြစ်တာမပြောနဲ့တော့။ ငါ့ ကိုအလုပ်ရှုပ် အောင်လုပ်တဲ့အကောင်တွေ လာစမ်း ဆို ပြီး စာရေးသူရယ် ဟွန် နက ထောက်ခံပေးတဲ့ သူငယ်ချင်းနှစ်ကောင်ရယ် ကို .....ဟီဟီ ဘာပြောကောင်းမလဲ ဆော်တာပေါ့ စာရေးသူလည်း ရှက်တာရယ်၊ ဆရာမကိုကြောက်တာရယ်၊ဟိုကောင်နှစ်ကောင် ကိုအားနားတာရယ်ပေါင်းပြီး ငိုချင်ရောင်ဆောင်နေရတယ်။:P
အဲဒီအကြောင်းကို ပြန်ပြောရင် ဟွန်န ကအချောင်ဗျင်းခံ ရတဲ့ သူငယ်ချင်းနှစ်ကောင်က စာရေးသူ ကို ခုထိ ဆဲတုန်းဘဲ။ မောင်bee က လဲ ဆဲချင်စရာလေ။ ကြည့်ဦး လုပ်ပုံက :P
အခုတော့ အဲဒီနှစ်ကောင်လဲ တကောင်က doctor ဖြစ် ၊တကောင်က စစ်ဗိုလ် ဖြစ်နဲ့လူရာဝင်နေကျပြီလေ။
ကျောင်းတုန်းကအကျောင်း ပြောရရင်တော့ပြောမကုန်ပါဘဲဗျာ။ တော်တော်လည်း ရှည်နေပြီမို့ ဒီ post အတွက် ဒီလောက်နဲ့ဘဲ နားပါရစေတော့။ နောက်များမှဆက် ပြောကြတာပေါ့။
ဘာလိုလိုနဲ့ စာရေးသူ ဆယ်တန်းအောင်တာရှစ်နစ်ရှိပြီ။ အချိန်တွေဘယ်လောက်ဘဲ ကြာ ခဲ့၊ကြာ ခဲ့ တခါတုန်း က စာသင်ကျောင်း ကို ယနေ့တိုင်သတိ ရနေတုန်းပါ။ စာဖတ်သူ များလည်း မိမိတို့ ငယ်ငယ် က စာသင်ကျောင်း ကို သတိရခံစားနိုင်မယ်လို့ မျော်လင့်ရင်း...................
~~ ပန်းကလေးများ ပွင့်တော့မည် ဖူးတံဝင့်လို့ချီ ~
~ နေခြည်မှာ ရွှေရည်လောင်း ငါတို့စာသင်ကျောင်း ~~
မောင်bee
ကြိုးစားပါဦးမည်
စာရေးသူ။ ။ T.T.C ကျောင်း မှ ဆရာ၊ဆရာမ များ၊ တနယ်ဆီရောက်နေကျတဲ့ သူငယ်ချင်းများ အားလုံး အတွက်အမှတ်တရ။
